51 Kjartan sagði að flestum bilaði nú áræði þó að þeir þættust vera allgóðir karlmenn. Bolli sagðist ekki vita hver væri huglausastur en margir tóku undir að ekkert vit væri í þessari ráðagerð. Þegar konungsmenn höfðu heyrt þetta fóru þeir í brott og sögðu konungi. Rifjið upp: 1. Hver var konungur í Noregi þegar Kjartan og Bolli komu þangað? 2. Þegar þeir komu út var mikið ósætti milli konungs og nokkurra Íslendinga sem voru staddir í Noregi. Hvers vegna? 3. Kjartan keppti í sundi (það fólst einkum í því hvor þeirra tveggja gæti kaffært hinn lengur). Við hvern keppti hann? 4. Hvað vildi Kjartan gera til að svara kröfum konungsins um að Íslendingar tækju kristna trú? Til umræðu: • „... mér finnst trú þeirra heldur veikleg,“ segir Bolli. Hvað á hann við? • Hvað finnst ykkur um afstöðu Kjartans? Eru áform hans skynsamleg?
RkJQdWJsaXNoZXIy MjIxNzc=